"اظبط الـ Cost وبلاش هدر.. مشترياتك هتبقى مركز ربح مش تكلفة ! " عشان الـ Bottom Line بتاع شركتك يظبط، نظام Track Business بيعملك أتمتة (Automation) لدورة المشتريات بالكامل. السيستم بيفهم لوحده وينبهك بأرقام الـ Safety Stock والـ Reorder Point لكل صنف عشان مخزنك ما يفضاش، وبيعملك كمان (Supplier Evaluation) عشان تقيّم الموردين بتوعك وتعرف مين بيديك أحسن سعر وأسرع وقت تسليم. من الآخر إحنا بنعمل إيه؟ بنربط المشتريات بالمخازن بالحسابات، عشان تشتري الصح، فالوقت الصح، ومن المورد الصح.

"الرقابة اللحظية على المخزون.. تتبع لكل قطعة من الإبرة للصاروخ " لو عندك أكتر من مخزن أو فرع، الـ Inventory Control بتاعنا هيخليك شايف كل حاجة (Real-time). السيستم بيدعم الباركود، الـ Batch Numbers، والـ Serial Numbers لكل قطعة؛ يعني مفيش مجال للسرقة أو التلاعب. من الآخر إحنا بنعمل إيه؟ بنظبطلك دورة المخزن (صرف، إضافة، تحويلات) وموافقات الإدارة، وبنديك تقارير ذكية تقولك إيه البضاعة سريعة الحركة (Fast-moving) وإيه اللي مركونة ومتكلّفة (Dead Stock) عشان تلحق تتصرف فيها.

قفل ديلك بسرعة وسهولة.. وعظّم الـ Revenue بتاعك عشان فريق المبيعات يركز في التقفيل (Closing) وبلاش تضيع وقت في الأوراق؛ السيستم بتاعنا بيمشي مع العميل في الـ Sales Tunnel خطوة بخطوة. من أول ما تعمل عرض السعر (Quotation)، لحد أمر التوريد، والتسليم، وإصدار الفاتورة الضريبية. من الآخر إحنا بنعمل إيه؟ بنحطلك سياسات تسعير وخصومات واضحة وصلاحيات لكل بياع، وبنديك تقارير (Sales Analytics) تلمح منها مين من المناديب مقطع السمكة وديلها، وأني أصناف هي اللي بتكسبك أكتر.

"أمان مالي ورؤية واضحة للـ Cash Flow.. القرش اللي يدخل أو يخرج هتبقى عارفه !" الكاش هو الملك (Cash is King)، وعشان كده بنعملك رقابة صارمة على كل الخزائن والبنوك. تقدر تقسم مصروفاتك وتعمل ميزانية تقديرية (Budgeting) وتقارنها باللي اتصرف فعلي عشان تعرف فلوسك بتضيع فين. من الآخر إحنا بنعمل إيه؟ بنصمم لك شجرة مصروفات مرنة تطلعلك تقارير ورسوم بيانية تظبطلك السيولة، عشان تاخد قراراتك المالية وأنت مطمن ومأمن نفسك.

" لوحة تحكم ذكية لشيكاتك.. تتبع كامل لدورة حياة الشيك، وداعاً لمفاجآت التواريخ!" الشيكات، الكمبيالات، وإيصالات الأمانة هي التزامات مالية حساسة، وإدارتها محتاجة نظام قوي يمنع أي لغبطة مهما كان حجم تعاملاتك. نظام تراك بيزنس متقفل مخصوص عشان يدير لك كل أوراق القبض والدفع بمرونة كاملة، وبيغطي كل حركة أو سيناريو ممكن يمر بيه الشيك. إيه اللي هيخليك تدير شيكاتك وأوراقك المالية بالسيستم ده؟ •تحكم مطلق في أوراق القبض (الشيكات المستلمة): من أول ما تستلم الشيك من عميل أو شريك، السيستم بيدعم كل حركاته؛ تقدر تبعته للبنك تحت التحصيل، أو ترده للعميل، أو تظهّره لمورد، أو تحصله كاش (كلي أو جزئي). وحتى الشيكات اللي في البنك تقدر ترجعها الخزنة أو تحصّلها بضغطة زرار. •إدارة صارمة لأوراق الدفع (الشيكات الصادرة): كل الشيكات اللي بتطلعها للموردين أو للمصروفات متراقبة؛ تقدر تعملها ارتداد/ارتجاع للدفاتر أو تسددها من البنك مباشرة أول ما تستحق. •حركات جماعية وتسويات ذكية: السيستم مريح جداً وسريع؛ بيخليك تحصّل أو تسدد مجموعة شيكات مع بعض في حركة واحدة، أو تقفل وتسوّي كذا فاتورة بيع أو شراء بشيك واحد بس! •كاشف كامل للسيولة المستقبلية: بنديك تقارير ذكية جداً للشركات الكبرى، بتعرفك الشيكات المتوقع تحصيلها وسدادها خلال فترة معينة والفرق بينهم (عشان تظبط السيولة)، بالإضافة لتقارير الأرصدة في تاريخ محدد، وتتبع كامل لدورة حياة كل شيك من يوم ما دخل الشركة لحد ما اتقفل. •من الآخر إحنا بنعمل إيه؟ بنشيل من عليك صداع "متابعة تواريخ الاستحقاق"، وبنربط الشيكات بحسابات العملاء، الموردين، البنوك، والـ (General Ledger) أوتوماتيك، عشان تاخد قراراتك المالية وأنت كاشف الموقف المالي لشركتك شهور قدام.

"كل مليم في عُهدة موظفيك متراقب.. تقفيل عُهد مرن وتسويات بدون وجع دماغ!" العُهد النقدية مع الموظفين هي فلوس المنشأة، وعشان كده رقابتها ومتابعة أرصدتها لحظة بلحظة مسألة أمان مالي لشركتك. نظام تراك بيزنس بيقدّم لك حل متكامل ومحكم لإدارة العُهد بمختلف أنواعها، وبيحول دوخة التقفيل اليدوي لمنظومة رقمية دقيقة 100%. إيه اللي السيستم ده بيقدّمه عشان يظبطلك عُهد الموظفين؟ •فتح حسابات عُهد بلا حدود: تقدر تعرّف عدد لا نهائي من حسابات العُهد للموظفين أو المناديب وتصنفها حسب طبيعة العمل والوظيفة. •مرونة كاملة في الصرف: السيستم بيغطي كل الحركات اليومية؛ تقدر تصرف العُهدة للموظف من النقدية في الخزنة، أو بتحويل بنكي، أو بشيك، أو حتى من أي حساب مالي تاني بمنتهى السهولة. •تسويات ذكية وسريعة: بيدي الموظف أو المحاسب إمكانية عمل تسوية للعُهدة (Petty Cash Reconciliation) في أي وقت وبمرونة كاملة، مع إرفاق الفواتير والمصاريف الفعلية عشان تنزل في حساباتها الصح أوتوماتيك. •تقارير ورقابة ع المكشوف: بضغطة زرار واحدة هتوصل لتقارير أرصدة العُهد اللحظية، كشف حساب تفصيلي ومتحرك لكل موظف، وتقارير إجمالية وتحليلية تخليك شايف الكاش بتاعك رايح فين بالظبط. •من الآخر إحنا بنعمل إيه؟ بنربط عُهد الموظفين بحسابات النقدية والـ (General Ledger) مباشرة، عشان نمنع تجميد أو ضياع السيولة، ونضمن إن كل قرش خرج كعُهدة يتقفل بفواتير سليمة وتوجيه محاسبي مظبوط بدون أي غلطة بشرية.

تقفيل حساباتك ع الفرازة.. رقابة كاملة على كل مستحقاتك والتزاماتك برة الصندوق!" بما إن تراك بيزنس سيستم متكامل وشامل، فاحنا عملنا حساب كل تفصيلة مالية ممكن شركتك تحتاجها. عشان كده، السيستم بيوفر لك أجزاء متخصصة لإدارة وتوجيه الحسابات المدينة والدائنة الأخرى بمستويات شجرية متعددة، عشان مفيش أي قيد مالي يهرب منك أو يلغبط الميزانية. إيه اللي السيستم ده بيميزه في تظبيط الحسابات دي؟ •هيكلة الحسابات المدينة الأخرى (Other Receivables): تقدر تعرّف وتتابع كل الفلوس اللي ليك برة شغل المبيعات التقليدي، زي: حسابات التأمينات لدى الغير، المصروفات المقدمة (Prepaid Expenses)، العُهد المستديمة والمؤقتة للموظفين، وأي حسابات مدينة تانية بتصنيفات مرنة. •إدارة الحسابات الدائنة الأخرى (Other Payables): تحكم كامل في كل الالتزامات اللي على الشركة برة حسابات الموردين، زي: مستحقات هيئة التأمينات الاجتماعية، مصلحة الضرائب بأنواعها، المصروفات المستحقة (Accrued Expenses)، وأي التزامات تانية مأجلة. •تقارير وتحليلات ع المكشوف: السيستم بيوفر لك لوحة تقارير محاسبية قوية جداً؛ تقدر تطلع منها كشف حساب تفصيلي لكل بند، وتقارير الأرصدة اللحظية، مع تحليل كامل للحسابات دي (اجمالاً وتفصيلاً) عشان الـ Auditing والمراجعة تعدي في ثواني وبدون غلطة واحدة. •من الآخر إحنا بنعمل إيه؟ بنقفل لك ثغرات "المصاريف المفتوحة والمستحقة"، وبنربطها أوتوماتيك بـ (General Ledger) والقوائم الختامية، عشان ميزان مراجعتك يظبط ع الشعرة وتشوف مركزك المالي الحقيقي في أي وقت.

بنوكك وحساباتك تحت السيطرة.. حركة فلوسك متراقبة بالمليم وفي مكان واحد!" نظام إدارة البنوك جوه تراك بيزنس معمول عشان يريّحك من كركبة الحسابات ويوفر لك أمان كامل لكل السيولة النقدية بتاعتك. السيستم بيخليك تعرّف عدد لا نهائي من الحسابات البنكية بمختلف العملات، وبيتابع كل العمليات اليومية من إيداعات، مدفوعات، وتحويلات بين البنوك المختلفة بمنتهى السهولة. إيه اللي السيستم ده بيعمله بالظبط عشان يظبطلك حركات البنوك؟ •إدارة التحصيلات الذكية: تقدر تسجل أي تحصيل نقدي مباشر من العملاء في البنك، أو تحصيل أوراق القبض (الشيكات)، أو تحصيلات الشركاء، وتعمل تسويات الموردين والمصروفات وأي حسابات تانية بضغطة زرار. •تحكم كامل في المدفوعات والسداد: السيستم بيسهل عليك عمليات السداد المباشر من البنك للموردين، وسداد أوراق الدفع، ومستحقات الشركاء، وتمويل الخزائن، بالإضافة لسداد كافة أنواع المصروفات وتحديداً المصاريف والعمولات البنكية. •تقارير كاشفة للموقف المالي: بنديك لوحة تقارير فورية تطلعلك الأرصدة الحالية لكل بنك، كشوف الحسابات التفصيلية، والتسويات والمطابقات البنكية عشان تقفل دفاتر شركتك وأنت مطمن ومن غير أي لغبطة. •من الآخر إحنا بنعمل إيه؟ بنحول إدارة حساباتك البنكية لمنظومة رقمية أوتوماتيكية سريعة، بنمنع فيها الأخطاء البشرية، وبنربط حركات البنوك بالحسابات العامة والمخازن مباشرة، عشان تدير الـ Cash Flow بتاعك بأعلى كفاءة وأقل مجهود.

"أتمتة كاملة للـ HR.. احسب مرتباتك وضرايبك بضغطة زرار، وريّح دماغك من حسابات الإكسل!" الموظفين هما أساس شركتك، وعشان تديرهم صح ومن غير لغبطة، نظام Track Business بيقدّم حل متكامل لأتمتة إدارة الموارد البشرية والـ Payroll بالكامل، وبيحوّل الحسابات المعقدة لعملية سهلة ودقيقة 100% بتتعمل في ثواني. إيه اللي السيستم ده بيقدّمه عشان يظبطلك الـ HR؟ •ملف رقمي كامل لكل موظف (Digital Employee Directory): مكان واحد بتسجل فيه كل بيانات الموظف، أوراقه الرسمية، عقده، تاريخه الوظيفي، وتطور مرتبه من يوم ما تعين. •إدارة ذكية للحضور والانصراف (Attendance Control): السيستم بيرتبط بماكينات البصمة أوتوماتيك، وتقدر تفصّل عليه لايحة شركتك الداخلية وسياسات الحضور والانصراف عشان تطبق لوحدها بدون أي تدخل بشري. •لوحة تحكم للإجازات والمأموريات: متابعة كاملة لكل رصيد إجازات الموظفين، الأذونات، المأموريات الخارجية، وحساب تلقائي لدقائق التأخير وساعات العمل الإضافي (Overtime). •الماليات والحركات الدورية: سيستم مرن جداً لإدارة السلف، أقساط القروض، المكافآت، والجزاءات، وبتسمّع تلقائياً في شيت المرتب الشهرية. •مقفل ع الشعرة مع الضرائب والتأمينات: السيستم مبرمج عشان يحسب التأمينات الاجتماعية وضريبة كسب العمل (Payroll Taxes) طبقاً لأحدث القوانين المصرية، وبيطلعلك شيت المرتبات النهائي جاهز للمراجعة والصرف. •من الآخر إحنا بنعمل إيه؟ بنربط حركة الموظفين اليومية بحسابات المرتبات والـ General Ledger مباشرة، عشان تضمن حق شركتك وحق موظفينك، وتقلل الأخطاء البشرية لـ 0%، وتطلع الـ Payslips لكل الموظفين بلمسة واحدة.

"احسب تكلفة شحنتك بالمليم.. من أول بلد المنشأ لحد ما تدخل مخزنك!" لو شركتك بتستورد من برة، السيستم ده معمول عشان يلمّ لك كل تفاصيل الشحنات والاعتمادات المستندية في مكان واحد. بتبدأ من تسجيل التعاقدات مع الموردين الأجانب، ومتابعة خطوات البنك، والتنسيق مع مخلصين الجمارك، وكل الجهات الخارجية والشركات الملاحية بمرونة تامة وبدون لغبطة ورق. إيه اللي هيخليك تعتمد على السيستم ده في استيرادك؟ •حساب التكلفة الفعلية الواصلة (Landed Cost): السيستم بيتابع تحركات الشحنة وبيسجل كل مليم اتصرف عليها (شحن، تأمين، جمارك، أرضيات، نقل). وفي الآخر بيوزع كل التكاليف دي أوتوماتيك على الأصناف عشان تطلع التكلفة الفعلية الحقيقية لكل قطعة بالطريقة اللي تناسب بيزنسك. •الاستلام بالتكلفة التقديرية: مش لازم تستنى لما كل فواتير المصاريف تخلص عشان تنزل البضاعة في المخزن؛ تقدر تستلم الأصناف فوراً بـ "تكلفة مخططة أو تقديرية" عشان تبدأ تبيع، وأول ما المصاريف الفعلية تقفل، السيستم بيعمل إعادة تسعير (Re-pricing) وتحديث للتكلفة بضغطة زرار واحدة وبمنتهى السهولة. •تقارير ورقابة ع المكشوف: هتشوف تقارير فورية عن الشحنات المفتوحة اللي لسه ما اتقفلتش، تحليل تكاليف كل شحنة على حدة، وتقارير مشتريات استيرادية تفصيلية تخليك عارف رأسك من رجليك في سيولتك بالعملة الأجنبية والمحلية. •من الآخر إحنا بنعمل إيه؟ بنشيل من عليك صداع "حسبة الجمارك ومصاريف الشحن"، وبنربط دورة الاستيراد بالمخازن والحسابات العامة عشان بضاعتك تدخل مخزنك بتسعير سليم 100%، وتبيع وأنت عارف صافي ربحك كام بالظبط.

"إدارة مصنعك ع الفرازة.. من أول المواد الخام لحد المنتج التام وبأقل هادر!" نظام الإنتاج بتاعنا متفصّل مخصوص للمصانع والشركات اللي بتشتري خامات وبتعمل عليها عمليات تشغيل وتصنيع عشان تطلّع منتج نهائي جاهز للبيع. السيستم بيخليك تعرّف "الـروشتة" أو مكوّنات المنتج التام (BOM - Bill of Materials) بدقة متناهية، وبيرسم لك خطط الإنتاج، ويتابع التنفيذ الفعلي على أرض الواقع عشان تراقب تكاليف إنتاجك لحظة بلحظة (Cost Control). دورة العمل هنا شاملة كل خطوة؛ بتبدأ من وضع خطة الإنتاج وإصدار أوامر الشغل (Production Orders)، وصرف الخامات من المخازن، لحد ما ينزل المنتج التام في مخازن البيع. وطبعاً السيستم مرن جداً وبيعمل حساب المرتجعات، والأهم من كده إنه بيراقب "التالف والهادر" (Scrap & Wastage Management) وبيعرفك إيه الهادر المسموح بيه (Normal Spoilage) وإيه اللي برة الخطة (Abnormal Spoilage) عشان تحاسب المقصرين وتوقف الخسارة فوراً. •من الآخر إحنا بنعمل إيه؟ بنظبطلك "الـ Cycle" بتاعة خط الإنتاج بالكامل، وبنديك تقارير ذكية تطلعلك حجم الإنتاج في أي فترة، وإيه الخامات اللي اتسحبت بالظبط، وتحليل تفصيلي لتكلفة المنتج عشان تسعّر صح وتكسب صح

"ماتسيبش Lead يهرب منك.. وابني علاقة تدوم مع عميلك!" ده المساعد الشخصي لفريق التسويق والمبيعات؛ السيستم بيجمعلك كل الـ Leads (العملاء المحتملين) في مكان واحد، ويوزع المهام على فريقك، ويفكرهم بمواعيد المتابعات والاتصالات (Follow-ups) أوتوماتيك. من الآخر إحنا بنعمل إيه؟ بنساعدك تعمل وتتوقع مبيعاتك الجاية (Sales Forecasting)، وتتابع شكاوى العملاء وتقيس رضاهم (Customer Satisfaction)، وتقدر كمان تبعتلهم رسائل SMS تسويقية عشان تفضل دايماً في بالهم.

"حساباتك متقفلّة ع الشعرة.. وجاهزة للمنظومة الإلكترونية والضرائب!" أي حركة بيع، شراء، أو صرف في الشركة بتسمّع لوحدها (Automated Journal Entries) في الحسابات العامة من غير أي غلطة بشرية. بضغطة زرار واحدة بتطلع ميزان المراجعة، الأستاذ العام، وقائمة الدخل والمركز المالي. من الآخر إحنا بنعمل إيه؟ بنقدملك سيستم متوافق تماماً مع معايير المحاسبة المصرية والدولية، ومرتبط بمنظومة الفاتورة والإيصال الإلكتروني عشان شركتك تفضل دايماً في السليم قانونياً وضريبياً.

"احسب إهلاك أصولك أوتوماتيك.. وحافظ على قيمة شركتك الدفترية!" من أول ما تشتري لابتوب أو سيرفر أو كاميرا أو عربية للشركة لحد ما تبيعها؛ السيستم بيتابع دورة حياة الأصل بالكامل، وبيحسب نسب الإهلاك الدورية لوحده حسب طبيعة كل أصل. من الآخر إحنا بنعمل إيه؟ بنربط مصاريف الصيانة وقطع الغيار بالأصل مباشرة عشان تعرف الأصل ده بيكسبك ولا بيخسرك، وبنعملك جرد فوري للأصول في أي وقت.

"بيع أسرع ، وربط لحظي بالمخزن بدون تعقيد!" السيستم ده معمول واجهة سريعة وخفيفة جداً بتدعم الشاشات التاتش وقارئ الباركود، ومفيش فاتورة بتطلع إلا والمخزن بينقص في نفس اللحظة. من الآخر إحنا بنعمل إيه؟ بنوفرلك سيستم بيقبل كل طرق الدفع (كاش، فيزا، آجل)، وبيربط الفواتير فوراً بالمنظومة الإلكترونية، عشان تبيع لعميلك في ثواني وتضمن حقك.

اضبط ورشتك وإدارة فروعك.. تتبع لكل جهاز، صيانة أسرع، وعميل راضي! لو عندك مركز صيانة كبير أو شبكة فروع، السيستم ده معمول مخصوص عشان يريحك من كركبة الورق ويسهّل الشغل على الفنيين بشاشات بسيطة وسريعة جداً. السيستم بيخليك تسجل وتدير كل حاجة: بيانات الفنيين وصلاحياتهم، لستة الخدمات وأسعارها، المعدات المستخدمة، وأقسام الصيانة المختلفة داخل المركز. دورة الشغل متقفلة من أول ما العميل يفكر يتواصل معاك؛ بتبدأ من حجز المواعيد، استلام الجهاز وكتابة ملاحظات الفني وشكوى العميل، مروراً بصرف قطع الغيار اللازمة للصيانة من المخازن مباشرة، لحد إصدار فاتورة الحساب للعميل. إيه اللي بيميز السيستم ده ويخليه ينجّح مركزك؟ •لوحة متابعة ذكية لكل قسم (Department Dashboard): كل قسم بيظهرله الشغل الخاص بيه بس، بقطع الغيار المطلوبة، مع تتبع للوقت المتوقع للتسليم (SLA). •شغال بدون إنترنت (Offline Mode): لو النت قطع في الورشة، الشغل مبيوقفش والسيستم بيفضل شغال طبيعي ويسمّع أول ما النت يرجع. •ربط الفروع الذكي (Online Orders): لو جالك طلب صيانة من الموقع أو الأبليكيشن، السيستم بيوجه الطلب أوتوماتيك لأقرب فرع لعنوان العميل عشان توفر وقت ومصاريف شحن. •مرونة الحركة: إمكانية تحويل أمر الصيانة من قسم للتاني (مثلاً من فحص لكهرباء لميكانيكا) بضغطة زرار واحدة مع حفظ التاريخ ومين اللي استلم. •من الآخر إحنا بنعمل إيه؟ بنحول مركز الصيانة بتاعك لمنظومة رقمية سريعة، بتمنع تضارب المواعيد، بتراقب مخزن قطع الغيار بدقة، وبتطلعلك تقارير أرباح وإنتاجية الفنيين عشان تكبّر شغلك وأنت مطمن.